Türkmen halkynyň Milli Lideri Gahryman Arkadagymyz Gurbanguly Berdimuhamedowyň “Atda wepa-da bar, sapa-da” eseri boýunça “Kitap bilen dünýä syry açylýar” atly kitap okamak bäsleşiginde ýokary görkezijilere eýe bolan okuwçylaryň sylaglanyş dabarasy

2026-03-17 | 2021

Berkarar döwletiň täze eýýamynyň Galkynyşy döwründe “Garaşsyz, baky Bitarap Türkmenistan — bedew batly at-myradyň mekany” ýylynda türkmen halkynyň Milli Lideri Gahryman Arkadagymyzyň, hormatly Prezidentimiziň Arkadagly Gahryman Serdarymyzyň parasatly baştutanlygynda ýaş nesilleriň kämil bilimli, giň dünýägaraýyşly we watançylyk ruhunda terbiýelemekleri baradaky alada döwlet syýasatynyň ileri tutulýan esasy ugurlarynyň biri bolmak bilen, bu günki gün olaryň dünýä ülňülerine laýyk gelýän orta we ýokary okuw mekdeplerinde bilim we terbiýe almaklary üçin ähli şertdir mümkinçilikler döredilen.

Şeýle mümkinçiliklerden peýdalanýan ýaşlar halkara we döwlet derejesinde geçirilýän dürli ugurlar boýunça taslama we ders bäsleşiklerine gatnaşyp, özleriniň zehin başarnyklaryny görkezýärler.

Mart aýynyň 10-na Halkara senagatçylar we telekeçiler uniwersiteti tarapyndan geçirilen “Garaşsyz, baky Bitarap Türkmenistan — bedew batly at-myradyň mekany” ýylynda Türkmenistanyň Garaşsyzlygynyň 35 ýyllyk baýramy mynasybetli Aşgabat hem-de Arkadag şäherleriniň 10-11-12-nji synp okuwçylarynyň arasynda türkmen halkynyň Milli Lideri Gahryman Arkadagymyzyň “Atda wepa-da bar, sapa-da” eseri boýunça “Kitap bilen dünýä syry açylýar” atly kitap okamak boýunça bäsleşigi geçirildi. Bu bäsleşigiň netijeleri boýunça iň ýokary görkezijilere eýe bolan okuwçylar baýrakly orunlara mynasyp boldular. Olar Halkara senagatçylar we telekeçiler uniwersiteti tarapyndan taýýarlanylan hormat hatlar hem-de gymmat bahaly sowgatlar bilen sylaglandylar. Bu ýokary okuw mekdebinde şeýle ýaryşlaryň yzygiderli geçirilmegi zehinli ýaşlaryň ýüze çykmagyna ýardam edýär.

Bäsleşigiň netijeleri boýunça iň ýokary görkezijilere eýe bolan okuwçylar:

T\B	Ady we familiýasy	Orny	Mekdep	Synpy
1	Annanyýazowa Almagül	I	Aşgabat şäheriniň 40-njy orta mekdebi	12
2	Orazow Oraz	I	Aşgabat şäheriniň 51-nji orta mekdebi	11
3	Hallyýewa Jemal	I	Arkadag şäheriniň iňlis dili dersine ýöriteleşdirilen 4-nji orta mekdebi	12
4	Durdyýewa Aýnur	I	Aşgabat şäheriniň 34-nji orta mekdebi	12
5	Baýramowa Nurana	II	Aşgabat şäheriniň 10-njy orta mekdebi	11
6	Batyrowa Gülälek	II	Arkadag şäheriniň iňlis dili dersine ýöriteleşdirilen 4-nji orta mekdebi	10
7	Meretgeldiýewa Gülbibi	II	Aşgabat şäheriniň 40-njy orta mekdebi	11
8	Akymmaýewa Arzygül	II	Aşgabat şäheriniň 11-nji orta mekdebi	10
9	Atamyradowa Zynat	III	Aşgabat şäheriniň iňlis dili çuňlaşdyrylyp öwredilýän ýöriteleşdirilen 135-nji orta mekdebi	12
10	Rejepdurdyýewa Selbi	III	Aşgabat şäheriniň 35-nji orta mekdebi	11
11	Rahmanberdiýewa Gülzar	III	Aşgabat şäheriniň daşary ýurt dillerini çuňlaşdyryp öwredilýän ýöriteleşdirilen 52-nji orta mekdebi	10
12	Allanazarowa Aýmedine	III	Aşgabat şäheriniň daşary ýurt dillerini çuňlaşdyrylyp öwredilýän ýöriteleşdirilen 4-nji orta mekdebi	11
13	Rasulowa Merjen	III	Aşgabat şäheriniň iňlis dili çuňlaşdyrylyp öwredilýän ýöriteleşdirilen 135-nji orta mekdebi	10