Türkmenistanyň talyby Russiýada geçirilen halkara bäsleşiginde ýeňiji boldy
2026-03-03
| 1021
Magtymguly adyndaky Türkmen döwlet uniwersitetiniň taryh hünäriniň IV ýyl talyby Zyýada Ýusubowa Russiýa Federasiýasynyň “Формула науки” ylmy-barlaglar merkezi tarapyndan guralýan “Горизонты исследований - 2026” atly halkara ylmy-barlag işleriniň bäsleşigine internet arkaly gatnaşdy.
Bäsleşigiň netijeleri boýunça talybyň “Beýik Seljuk türkmen döwletiniň medeniýeti” atly ylmy makalasy “Iň gowy ylmy makala” diýen ada we I derejeli diploma mynasyp boldy.
Bu çäre gatnaşyjylara ylmy ukyplaryny görkezmek, ylmy gözlegleriň dürli ugurlarynda gazanylan üstünlikleri görkezmek we hünär baglanyşyklaryny ýola goýmak üçin gowy mümkinçilik berdi.