Daşary ýurt dilleri hepdeligi geçirildi. Iñlis we ýapon dilleriniň özboluşly baýramçylygy
Türkmenistanyn Oguz han adyndaky Inžener-tehnologiýalar uniwersitetinde iñlis we ýapon dillerine bagyşlanan Daşary ýurt dilleri hepdeligi dabaraly ýagdaýda geçirildi. Bu hepdelik çäresi uniwersitetiň Tehniki ugurlar boýunça daşary ýurt dilleri kafedrasynyň we Dil öwreniş bölüminiň mugallymlary hem-de ruhubelent talyp ýaşlary tarapyndan guralyp, medeni sergileri we gyzykly bäsleşikleri öz içine aldy. Esasy çäreleriň biri hem Ýapon medeniýetine bagyşlanyp guralan sergi boldy. Talyplar ýapon milli geýimleri, edebiýat, sungat önümleri we aýratyn-da origami şekilli işleri taýýarladylar. El bilen taýýarlanan guşlar, güller we dürli-dürli şekilli origamiler sergi zalynyň stollaryny we burçlaryny bezedi. Her bir eseriñ ýanynda kiçi düşündirişler iñlis, ýapon dillerinde düşündirildi.
Tehniki ugurlar boýunça daşary ýurt dilleri kafedrasynyň we Dil öwreniş bölüminiñ ähli talyplary tarapyndan birnäçe gyzykly oýunlar geçirildi. Esasy üns Täze okuwa kabul edilen Dil öwreniş bölüminiň talyplary bu çärelere aýratyn çekildi. Çärä gatnaşyjylar biri-birine özara gyzyklanma döretmek we daşary ýurt dillerinde söhbetdeşlik geçirmäge aýratyn höwes bildirdiler. Talyplar goşgy aýtmak, tapmaçalary çözmek, gysga sahna oýunlaryny oýnamak, gysga gepleşikler gurnamak bilen umumy gurşawy has hem şowhunlandyrdylar. Geçirilen hepdelik uniwersitete diýseň üýtgeşik öwüşgin berdi. Uniwersitetiň çäginde iki dilde salamlaşmak, Ýapon sungaty, origamileri, sakura günleriniň şekilleri, hat ýazuw sungaty diwarlyklary bezedi. Hepdelik täsin däbe esaslanyp, şol bir wagtda ýaşlaryň hyjuwy bilen has-da joşgunly ýagdaýa eýe boldy. Hepdeligiň ýapylyş dabarasynda talyp ýaşlar bu hepdeligiň Ýaponiýa bolan gyzyklanmasyny artdyrandygyny, iñlis dili başarnyklaryny güyçlendirendiklerini we özlerini halkara jemgyýetiniň bir bölegi ýaly duýandyklaryny aýtdylar. Mugallymlar we guramaçylar bolsa şeýle giňden gatnaşylýan medeni çäreleriň akademiki durmuşy baýlaşdyrýandygyny hem-de medeniýetara düşünişmäni berkidýändigini bellediler.
Türkmenistanyn Oguz han adyndaky Inžener-tehnologiýalar uniwersiteti