Türkmenistanyň ýokary okuw mekdepleri dünýä ylmyň we bilimiň öňdebaryjylarynda

Türkmenistanyň ýokary okuw mekdepleri çalt depginde öz köpugurly mümkinçiliklerini we iň talaply ylmy-derňew işleriniň ugurlaryny ösdürmeklik bilen halkara sanawlaryna goşulyp, gowy orunlary eýeleýärler. Häzirki wagtda Türkmenistanyň ýokary okuw mekdepleri «World University Rankings», «UI GreenMetric World University Ranking» we «Nica Law School Ranking» ýaly abraýly sanawlara goşulmaklygy maksat edinýärler we bu ugurda üstünlik gazanan ýurdumyzyň ýokary okuw mekdepleriniň sany artýar.

Türkmenistanyň ýokary okuw mekdepleriniň bu sanawlara goşulmaklary, olaryň diňe bir abraýyny ýokarlandyrman, eýsem halkara derejesinde ykrar edilmegine goşant goşup, beýleki ýurtlaryň ýokary okuw mekdepleri bilen netijeli hyzmatdaşlyga täze mümkinçilikleri açýar. Mundan başga-da, bu sanawlar dünýädäki ýokary bilimiň hünärmenleri we wekilleri üçin möhüm ýol-ýörelge bolup hyzmat edýär.

Türkmenistanyň Milli Lideri Gurbanguly Berdimuhamedow ilkinji gezek 2020-nji ýylda ýurdumyzyň ýokary okuw mekdepleriniň halkara derejesindäki sanawlaryna goşulmaklaryny gazanmak boýunça işleri geçirmekligiň zerurdygyny belledi. Şol günden bäri, ýurdumyzyň ýokary okuw mekdepleri sanawlaryň platformalaryny öwrenip, umumy kabul edilen halkara ölçeglere esaslanýan wezipeleri kesgitlemäge başladylar.

 Belläp geçmeli zatlaryň ýene biri hem, türkmen ýokary okuw mekdepleri ähli degişli görkezijiler boýunça öňe gidendikleri we bu ýagdaýyň ýakyn wagtda olaryň «World University Rankings» sanawyna girip biljekdiklerini aňladýar. Häzirki wagtda olar «habar beriji» statusyna eýedir. Sanawyň resmi çeşmelerine görä, bu statusa eýe bolan ýokary okuw mekdepler öz görkezijilerini düýpli gowulandyrmak maksady bilen çalt we giň gerimli iş alyp barýarlar.

«Нейтральный Туркменистан»

08.11.2024ý. №287

Şeýle hem okaň: Turkmenmetbugat